الہٰی لا الہ سے مل گیا راز نہاں تیرا

 عارفانہ کلام حمد نعت منقبت

الہٰی! لا الہ سے مل گیا رازِ نہاں تیرا

نشاں ہے بے نشاں تیرا، مکاں ہے لا مکاں تیرا

وہ اپنی حد سے اُڑ سکتا نہ ہو جب اک سرِ مو بھی

لگائے کھوج کیا جبریلؑ سدرہ آشیاں تیرا

تِرے نیرنگ قدرت میں قیاس و عقل حیراں ہے

جسے کونین کہتے ہیں طلسمِ کُن فکاں تیرا

نوازا احسن التقویم کے اعزاز سے مجھ کو

ادا ہو شکر کیوں کر اے خدائے مہرباں! تیرا

لبِ ہر ذرہ پر "سُبحَانَک" صبح و مسا جاری

دلِ ہر قطرہ ہے شام و سحر تسبیح خواں تیرا

مبارک ہو تجھے فیضانِ استادِ ازل ذائق

یہ آئینِ سخن تیرا،۔ یہ اندازِ بیاں تیرا

ذائق بنگلوری

محمد ابراہیم