عارفانہ کلام حمد نعت منقبت
وجہ سکوں ارمانِ محمد صلی اللہ علیہ و سلم
جان و دل قربان محمد صلی اللہ علیہ و سلم
شافع محشر، ساقئ کوثر، رحمتِ عالم، ہادئ اُمت
اللہ اللہ شانِ محمد صلی اللہ علیہ و سلم
نغمۂ وحدت سب کو سنایا سوئی ہوئی روحوں کا جگایا
سبحان اللہ شانِ محمد صلی اللہ علیہ و سلم
آپ کی الفت اللہ اللہ کیسی دنیا، کیسی عقبیٰ
دل میں بس ارمانِ محمد صلی اللہ علیہ و سلم
گرد کدورت دل سے مٹا کر ٹوٹے ہوئے رشتوں کو جوڑا
یہ لطف و احسانِ محمد صلی اللہ علیہ و سلم
اللہ اللہ اس کی قسمت جس پر بھی ہو روزِ قیامت
سایہ فگن دامانِ محمد صلی اللہ علیہ و سلم
مال و متاع دنیا کیسا، جان بھی ان کی دل بھی ان کا
سب کچھ ہے قربانِ محمد صلی اللہ علیہ و سلم
آشفتہ شاہجہانپوری
محمد عبدالحئ خاں
No comments:
Post a Comment