پیدا ہوا جو مالک کون و مکاں ہے آج

 عارفانہ کلام حمد نعت منقبت

پیدا ہوا جو مالک کون و مکاں ہے آج

نور رسول پاکؐ سے روشن جہاں ہے آج

وحدت کا نور ذات سے پھیلا جو آپ کی

کفر و شرک سارے جہاں سے نہاں ہے آج

مومن جو ہے وہ پڑھتا درودﷺ و سلام ہے

مصروف نعتِ پاکؐ ہر ایک کی زباں ہے آج

تعریف کیا حیا سے ہوں اپنے رسولﷺ کی

سچ ہے ثناء و وصف سے عاجز زباں ہے آج

خوش ہو کے مل رہا ہے گلے سے گلے ہر ایک

چہروں سے مومنوں کے خوشی کیا عیاں ہے آج

صغرا ہمایوں مرزا حیا