عارفانہ کلام حمد نعت منقبت
موج فرات سر کو پٹختی ہے آئیے
مدھم سی چاندنی بھی چٹکتی ہے آئیے
ہر ذرہ کربلا کا بلاتا ہے پیار سے
رنج و الم میں ریت سسکتی ہے آئیے
سر سے اتر رہی ہے گرانبارئ فراق
چادر بتولؑ کی بھی سرکتی ہے آئیے
جب سے چلے ہیں آپ مدینے سے یا حسینؑ
بُوئے گُلِ حجاز مہکتی ہے آئیے
محشر بپا ہے عالمِ کون و مکاں میں آج
سطحِ زمین رنگ بدلتی ہے آئیے
نسریں کی عرض ہے شہِ خوبانِ اہل بیت
دل میں شعاعِ مہر چمکتی ہے آئیے
صبیحہ نسرین
No comments:
Post a Comment