اب نہ حسرت ہے کہ احسان اٹھایا جائے

 اب نہ حسرت ہے کہ احسان اٹھایا جائے 

خوں کے بدلے میں مرا خون بہایا جائے 

ہم تو حیراں ہیں کہ اب قتل یہ کس سر جائے 

حاکمِ وقت کسی طور بلایا جائے

ایک اندیشۂ بے نام سے لرزاں ہو تو پھر 

اُس سلگتے ہوئے آنچل کو بجھایا جائے 

اب بھلا کس کے نصیبوں میں ہو تیری قربت 

اک جھلک مجھ کو وہ چہرہ تو دکھایا جائے 

جس سے پھیلی تھی کبھی دل میں بلا کی نفرت 

اب مِرے سامنے اُس خط کو جلایا جائے 

دل کے بدلے میں بھلا جان کی چاہت کیسی 

شوق پھر شوق، کسی سمت چلایا جائے 

اپنے کیسے ہیں جو انجان بنے بیٹھے ہیں 

وقت کا کھیل سرِ بزم سنایا جائے 

نفرتیں دل میں لیے قبر چلے جاتے ہیں 

حال لوگوں کو ذرا اس کا بتایا جائے

وہ تو بُزدل ہیں کسی خوف کا طعنہ دیں گے 

تیر یہ سینے پہ ماجد کا دکھایا جائے 

عبدالماجد ہاشمی