تیز ہے سودائے مژگانِ نگار اب کے برس
کوڑیوں کے مول بکتے ہیں کٹار اب کے برس
بادہ نوشی پر رہا دار و مدار اب کے برس
طاق پر رکھے رہے سب کاروبار اب کے برس
ہوش کس کو ہے جو پہنائے کسی کو بیڑیاں
خوب اپنا ساقئ دریا دل اپنے ساتھ ہے
کھیلتے پھِریے بطِ مے کا شکار اب کے برس
ہو گئی فرقت میں اک اک شاخ سوہانِ روح
دل کو برمانے لگی صوتِ ہزار اب کے برس
ابرِ تر پر پھبتیاں ہوں گی کفِ سیلاب کی
جوش پر ہے گریۂ بے اختیار اب کے برس
اے صباؔ جب سے ابھی تک ہے خزاں کا دور دور
آئے گی بھی یا نہ آئے گی بہار اب کے برس
صبا لکھنوی
No comments:
Post a Comment