ہر کسی میں یہاں بس جانے کا دم تهوڑی ہے

ہر کسی میں یہاں بس جانے کا دم تهوڑی ہے

یہ مِرا دل، کوئی زاہد کا حرم تهوڑی ہے

زیست ہے دشتِ بیاباں بهی کبهی صحرا بهی

یہ تِری بهیگی ہوئی زلف کا خم تهوڑی ہے

وہ تو اچها ہے، مگر رسمِ محبت ہے بری

اس کی عادت کے سبب اس کا ستم تهوڑی ہے

مسکرا کر ہے غمِ دل کو چهپانا مشکل

یہ تجربہ مِرا، میکش کا بهرم تهوڑی ہے

ہے مِرا چاکِ گریباں، تیری الفت کا نشاں

ورنہ سر پر مِرے افلاس کا غم تهوڑی ہے

لب پہ میں ذِکر سِتم گر تِرا لاتا ہی نہیں

مصلحت ہے یہ مِری، طرزِ کرم تهوڑی ہے

تیری الفت میں بہایا ہے پسینہ برسوں

پیرہن یہ مِرا برسات سے نم تهوڑی ہے

جو بهی لکهتا ہے چهپا لیتا ہے دیواروں میں

یہ مِرا دل، کسی شاعر کا قلم تهوڑی ہے

عشق میں مجھ کو بهٹکنے سے بچاتا ہے حیاتؔ

مِرا رہبر ہے، وہ پتهر کا صنم تهوڑی ہے

جاوید حیات