رنج پِچھلے کئی برسوں کے سجا کر لائی
اب تِری یاد بھی آئی تو بھلا کیا آئی
بند کمرہ کئے بیٹھا ہوں خیالوں میں تِرے
آج کچھ سوچ کے نازاں ہے مِری تنہائی
وحشتِ عشق نمایاں ہے مِرے چہرے پر
دیکھ کر دنگ ہوں موسم کے بدلتے تیور
زلف بھی تیری کبھی ایسے نہیں لہرائی
خیر کی مانگتی پِھرتی ہے دعائیں ہر روز
صبح جاتے ہوئے جب دیکھے تِری انگڑائی
بد گمانی کو رہی ناتواں لمحوں کی تلاش
بچ رہی ہے مِرے سائے سے مِری رُسوائی
بدگمانی کو سروکار صداقت سے نہیں
بن گیا ہے مِرا سایہ بھی مِری رُسوائی
اک خلش بن کے سدا دل میں رہوں گا اسکے
بعض حالات میں دیتی ہے مزا پسپائی
سلمان اطہر
No comments:
Post a Comment