تو دھوکا دیتا رہا بار بار بھاڑ میں جا

 تُو دھوکا دیتا رہا بار بار بھاڑ میں جا

اے میرے دوست مِرے غمگسار بھاڑ میں جا

نہیں ہے کُچھ بھی مِرے پاس اب لُٹانے کو

تُو مجھ کو بُھول جا مطلب کے یار بھاڑ میں جا

تُو مشکلوں میں مِرا ساتھ چھوڑ جاتا تھا

تُو مشکلوں میں مجھے مت پکار بھاڑ میں جا

تُو میرا دوست نہیں ہے تُو میرا دشمن ہے

نہ میری مرگ پہ رو زار زار بھاڑ میں جا

محبت! آج تلک تُو نے کیا دیا مجھ کوِ

اے جُھوٹی چار دنوں کی بہار بھاڑ میں جا

نہ اپنی نیند کو ضائع کروں گا آج کے بعد

اے یادِ یار! شبِ انتظار بھاڑ میں جا

ہو تجھ سا دوست تو باقر عدُو ہی بہتر ہے

اے بے ضمیر اے بے اعتبار بھاڑ میں جا

مرید باقر