سفر چاہتوں کا شروع کر رکھا ہے
کھلا دل کا اس کے لیے دَر رکھا ہے
در و بام پے ہے جو پھولوں کی بارش
اسی کے لیے گھر سجا کر رکھا ہے
لبوں پہ تبسم ہے چہرے پہ لالی
نگاہوں میں رِم جھم کا منظر رکھا ہے
ہواؤں کی نرمی سے زلفوں کا اڑنا
یہ سانسوں میں اس کا شغف بھر رکھا ہے
معطر ہیں الفاظ شعر و سخن سے
غزل کا جو تحفہ نظر پر رکھا ہے
اکیلے میں باتیں یوں کرتی ہوں اس سے
خیالوں میں اس کو سجا کر رکھا ہے
یہ کس کے لیے روشنی پھر سے عظمٰی
دِیا کیوں وفا کا جلا کر رکھا ہے
عظمٰی شاہ
No comments:
Post a Comment