ان آندھیوں کے مقابل قدم اٹھاتے ہوئے
کوئی بھی خوف نہیں ہے دِیا جلاتے ہوئے
مجھے یہ ڈر تھا بچھڑکر وه مر نہ جائے کہیں
سو خود کو چھوڑ دیا تھا وہیں پہ آتے ہوئے
وگرنہ وه تو کبھی دل سے جا نہیں پاتا
دعائے ہجر پڑھی تھی اسے بُھلاتے ہوئے
پھر اس کے بعد تو کوئی گلہ رہا ہی نہیں
وه پھوٹ پھوٹ کے رویا گلے لگاتے ہوئے
خیال رکھنا کہ اتنی نہ دیر ہو جائے
میں خود سی ہی جاؤں تجھے مناتے ہوئے
یہی تو بات معمہ بنی ہے سب کے لیے
ہم ایک دوجے سے بچھڑے ہیں مسکراتے ہوئے
میثم علی آغا
No comments:
Post a Comment