پیار کی بات تھی قابلِ غور تھی
پر میں دل فلسفی سے بہت بور تھی
جا لیا ضبط کی سرحدیں پھاند کر
خواب کی کھڑکیاں نیند کی ڈور تھی
منہ چِڑاتی تھی رخسار پر کاٹ کر
شاعری کی پری ایسی شہ زور تھی
خواب دِکھنے لگے آنکھ لگنے لگی
مرمریں ہاتھ کی بات ہی اور تھی
الٹا قانون تھا، زاویے تھے الگ
مور تھا مورنی، مورنی مور تھی
اس کی محکوم تھیں رنگ اور خوشبوئیں
خوبصورت کلی گرچہ کمزور تھی
دیو داسی پجارن اک آسیب کی
روح سے جسم تک جادوئی ڈور تھی
باغ کی مالکہ پھول کی آشنا
تتلیوں کی سگی حُسن کا شور تھی
حنا عنبرین
No comments:
Post a Comment