ہوں بہت دور تو اب دور ہی رہنے دو مجھے
ہوں میں رنجور تو رنجور ہی رہنے دو مجھے
چھوڑ آیا ہوں میں دنیا کو تمہاری خاطر
ہوں میں مہجور تو مہجور ہی رہنے دو مجھے
ہے مجھے فخر، تمہاری ہے عنایت مجھ پر
ہوں میں مغرور تو مغرور ہی رہنے دو مجھے
ہیں تمہاری ہی عنایات کے مسرور ہوں میں
ہوں میں مسرور تو مسرور ہی رہنے دو مجھے
میری خواہش ہے کہ دنیا میں مِرا نام رہے
ہوں میں منظور تو منظور ہی رہنے دو مجھے
منظور قاضی
No comments:
Post a Comment