شامِ غربت جو سرِ صبحِ وطن ٹُوٹتی ہے
دیکھ کے تجھ کو نگاہوں کی تھکن ٹوٹتی ہے
ہنستا رہتا ہوں کہ چھپ جائیں تِرے غم کے نقوش
خندۂ لب سے جبینوں کی شکن ٹوٹتی ہے
پا بجولاں رہِ پُر خار پہ چلنے والو
کوئی دن اور کہ کانٹوں کی چُبھن ٹوٹتی ہے
عشقِ ثانی میں ہے معشوقِ گزشتہ کا خیال
وصلتِ نَو پسِ ہجرانِ کُہن ٹوٹتی ہے
گفتگو لمس بھی کرتا ہے سرِ خلوتِ شب
خامشی بر سرِ مِضرابِ بدن ٹوٹتی ہے
محب الحق وفا
No comments:
Post a Comment