دل کو دلدار دو محبت میں
سر کو دستار دو محبت میں
زِندگی جو سنوار دے سب کی
ایسا کردار دو محبت میں
تیغِ ابرو تو ہے تمہارے پاس
زخم ہی چار دو محبت میں
پیار کی حد نہیں ہوا کرتی
زِندگی ہار دو محبت میں
گر محبت خدا سے کرتے ہو
جان بھی وار دو محبت میں
دل میں چاہت کے سلسلے رکھ کر
دوستو! پیار دو محبت میں
جیسا رہوار کربلا میں تھا
ویسا رہوار دو محبت میں
جان گریہ میں ڈال کر حیدر
نفس کو مار دو محبت میں
فرقان حیدر
No comments:
Post a Comment