بتا نا دوست کیا ہوں میں

 بتا نا دوست کیا ہوں میں؟

کئی زبانوں کے رنگوں پر مشتمل نظم

تمہارا ترجماں ہوں کیا؟ تمہارا رازداں ہوں کیا؟

نشانِ بے نشاں ہوں کیا؟ تمہاری داستاں ہوں کیا؟

جہاں تو ہے وہاں ہوں کیا؟ مکینِ لا مکاں ہوں کیا؟

ترے گھر کا پتا ہوں میں

تو نعرہ نحنِ اقرب ہے کہ نعرہ لن ترانی ہے

جسے کوئی نہ پڑھ پائے تو وہ الجھی کہانی ہے

میں کیوں آیا ہوں دنیا میں، اگر یہ دنیا فانی ہے

سو کس کو ڈھونڈتا ہوں میں

سخن وی توں، گماں وی توں، حزیں وی توں، تے میں کی آں

زمن وی توں، زماں وی توں، زمیں وی توں، تے میں کی آں

عدن وی توں، مکاں وی توں، مکیں وی توں، تے میں کی آں

یہی کچھ سوچتا ہوں میں

تِری گلیاں چ جو نچدا او میں نچدا یا تُو نچدا

تُو لیلٰی نجد وچ نچیں میں مجنوں کو بکو نچدا

ذرا آ رقص دے اندر وکھاواں تینوں ہُو نچدا

قلندر، ناچتا ہوں میں

چمک اکھین تلک ماتھے ہے خوش جوگن کہ پی آوت

پپیہا جب بھی گاوت تو کہن سکھین کہ پی آوت

شگن تاکو چڑھاوو بھوگ اس کارن کہ پی آوت

تِری راہ دیکھتا ہوں میں

اگن ہردے میں کچھ کم ہے سو دیپک راگ چھیڑو نا

ہوا کا ساز مدھم ہے سو دیپک راگ چھیڑو نا

مِرا غم اب تِرا غم ہے سو دیپک راگ چھیڑو نا

کہ تارِ مطربا ہوں میں

منم سر مستِ دشتِ جاں، منم مجنونِ سر مستم

نہ بندہ نے خدا ہستم، ہمہ از اوست حق استم

نمی دانم چہ من ہستم؟ نمی دانم چہ من ہستم

نہیں معلوم کیا ہوں میں

منم سُوئے عدم رفتم، منم سُوئے فنا رفتم

منم غرقِ نگاہ مستم، منم سُوئے خدا رفتم

کجا رفتم کجا رفتم؟ نمی دانم کجا رفتم

کہاں کو جا رہا ہوں میں

چراغِ لا فتیٰ ہوں میں، سراغِ لا الہ ہوں میں

نہ جس کی ابتدا کوئی نہ جس کی انتہا کوئی

اسی کی ابتدا ہوں میں، اسی کی انتہا ہوں میں

امیر سخن