جبراً پیاس پہ پہرا ہوتے دیکھا ہے

جبراً پیاس پہ پہرا ہوتے دیکھا ہے

میں نے دریا صحرا ہوتے دیکھا ہے

آنکھ میں موت کے کالے کالے آنسو ہیں

خواب میں نیند کو گہرا ہوتے دیکھا ہے

آنکھیں مونالیزا جیسی ہیں اس کی

خاموشی کو چہرا ہوتے دیکھا ہے

دوڑا آتا ہے اب ہر آوازے پر

آفیسر کو بہرا ہوتے دیکھا ہے

جھیل کنارے بیٹھے بیٹھے کیا تم نے

شام کا رنگ دوپہرا ہوتے دیکھا ہے

پیڑ کی گردن پر اب آرا رکھ بھی دو

کس نے کاٹھ کٹہرا ہوتے دیکھا ہے

پریت کی جیت پہ ہاری خود کو میں نے اسود

کھیت سمیت سنہرا ہوتے دیکھا ہے

بلال اسود