خدا کے گھر میں جو پیدا ہوئے تو صرف علی

 عارفانہ کلام حمد نعت مقبت

مدح امیر المومنینؑ مولا علیؑ

خدا کے گھر میں جو پیدا ہوئے تو صرف علیؑ

نبیﷺ کے ہاتھوں پہ گویا ہوئے تو صرف علیؑ

انہی کی طرح سے مولا ہوئے تو صرف علیؑ

جو کفو حضرت زہراؑ ہوئے تو صرف علیؑ

امیر ہو کے زمیں پہ جو محوِ خواب ہوئے

ہوئے جو خواب سے بیدار ابوترابؑ ہوئے

جری ہیں، شیر ہیں، کرّار ہیں، دلاور ہیں

اسد ہیں، ببر ہیں، ضرغام ہیں، غضنفر ہیں

نبیﷺ کی تیغ ہیں، تیغ نبیﷺ کا جوہر ہیں

صنم شکار ، اژدر فگن ہیں، حیدرؑ ہیں

نبیﷺ کے قوت بازو ہیں یہ وغا کے لیے

خدا کا قہر ہیں اعدائے مصطفیٰؐ کے لیے

ساحر لکھنوی

سید قائم مہدی نقوی