آہوں کے بسیرے ہیں ارمانوں کی بستی ہے

 آہوں کے بسیرے ہیں ارمانوں کی بستی ہے

کہتے ہیں جسے ہستی ادھ سُلجھی پہیلی ہے

ناوک تِری باتوں کے کچھ ایسے لگے دل پر

اب سانس بھی لیتا ہوں تو روح نکلتی ہے

اک جسم تھا جو میرا وہ خاک ہوا کب کا

اک روح بچی تھی جو اب وہ بھی پگھلتی ہے

گردش میں ہر اک شے ہے کیا ڈھونڈ رہے ہیں سب

کیوں وقت پِھسلتا ہے،۔ کیوں عمر سرکتی ہے

کافر کے لیے جیسے دنیا ہی میں جنت ہو

مؤمن کے لیے دنیا اک کانٹوں کی بستی ہے

انساں کو لُبھاتی ہے دنیا کی ہے رنگینی

باہر سے چمکتی ہے اندر سے جُھلستی ہے

ہے کس کی حرارت سے تپتی ہیں مِری سانسیں

سینے میں مِرے جیسے اک آگ سُلگتی ہے

افلاک اُگلتا ہے روحوں کے سمندر کو

توقیر زمیں سب کے جسموں کو نِگلتی ہے

توقیر زیدی