مِرے وجود نے اوڑھا ہے ہجر رشتوں کا
مِرے خیال پہ ٹھہری ہے رات سپنوں کی
میں چاندنی میں نہایا ہوں زرد موسم کی
مِرے لباس سے اٹھتی ہے باس اپنوں کی
میں تلخیوں کے بدن کو جلا کے پیتا رہا
مِرے مزاج میں شامل ہے راکھ کتنوں کی
مجھے ہی ناؤ سے باہر دھکیل ڈالا گیا
میں ناؤ کھینچ کے لایا تھا کیسے فتنوں کی
گلے لگا کے انہیں داد دینا الفت سے
مِرے شکار میں شامل تھی گھات جتنوں کی
میں زندگی کے نشیمن سے دور دور رہا
مِرے بدن پہ رہی دھول تیرے رستوں کی
مِرے زوال میں کچھ ہاتھ بھی ہے غیروں کا
مِری شکست میں شامل ہے ساکھ اپنوں کی
آفتاب احمد شاہ
No comments:
Post a Comment