عارفانہ کلام حمد نعت منقبت
اک نعتِ مبارک کا فن پارہ اُٹھا لاؤ
خُوشبو ہو عقیدت کی وہ لالہ اٹھا لاؤ
نشہ ہو عقیدت کا، جذبہ ہو اطاعت کا
خُم خانۂ سیرت سے وہ بادہ اٹھا لاؤ
آ جاؤ اے فنکارو اک نعت کی خواہش ہے
قرطاس میں لے آؤں، تم خامہ اٹھا لے آؤ
اب تک میری بستی کی گلیوں میں اندھیرا ہے
میں چاند اٹھا لاؤں، تم تارا اٹھا لاؤ
ہم شہرِ مدینہ کے مجروح مسافر ہیں
میں آبلہ پا آؤں، تم جادہ اٹھا لاؤں
ہر لے میں جادو ہو ہر شعر میں خُوشبو ہو
نعت اپنی عزیز! اب کے اک تازہ اٹھا لاؤ
عزیز بلگامی
No comments:
Post a Comment