تو اعلیٰ ہے ارفع ہے کیا خوب ہے

 عارفانہ کلام حمد نعت منقبت

تُو اعلیٰ ہے ارفع ہے، کیا خُوب ہے​

تُو سچا ہے، پیارا ہے، محبُوب ہے​

تُجھے ڈھونڈتا ہوں میں شام و سحر​

میں طالب ہوں، تُو میرا مطلُوب ہے​

نہ کیوں آئے پیتے ہی رگ رگ میں جاں​

کہ ذکرِ الہٰی کا مشرُوب ہے

​سو میرے سخن کا ہے محور ثناء​

مجھے بس تِری حمد مرغُوب ہے​

تُو خالق ہے مالک ہے غالب ہے تُو​

یہ بندہ ہے، عاجز ہے، مغلُوب ہے​

تُو کامل ہے اکمل ہے بے عیب بھی​

یہ ناقص ہے خاطی ہے معیُوب ہے​

تِرے در پہ نادِم کھڑا ہے اثر

معافی گُناہوں کی مطلُوب ہے​

​

اثر جونپوری

شاہین اقبال اثر