اے زندگی ہوئی کہاں بھول جس کی ہمیں ملی یہ سزا

 فلمی گیت

اے زندگی ہوئی کہاں بُھول، جس کی ہمیں ملی یہ سزا

کہاں سے کہاں لائی تُو ہمیں، ہم سے ہے کیوں اتنی خفا

اے زندگی ۔۔۔۔۔

کہاں گئے دن وہ سُہانے، کہاں کھویا پیار ہمارا

کہاں اُڑی کیا چِنگاری، جل گیا وہ سُکھ سارا

اپنا کہیں کوئی نہیں، لا کے کہاں ہمیں مارا

اے زندگی ہوئی کہاں بھول ۔۔۔۔۔

بیتے جو دل پہ ہمارے، جا کے کہاں کس کو سُنائیں

چھلکے جو آنکھوں سے دل کے، آنسو یہ کس کو دکھائیں

کون سُنے دل کا یہ غم، دُشمن ہے جگ سارا

اے زندگی ہوئی کہاں بھول ۔۔۔۔

جائیں تو ہم کہاں جائیں، سُوجھے نہ کوئی کنارا

بھر گیا جی یہاں جی کے، چھوڑ دے پیچھا ہمارا

تیری قسم دنیا میں ہم، آئیں گے نہ دوبارہ

اے زندگی ہوئی کہاں بھول ۔۔۔۔

اے زندگی کیا ہیں تیرے کھیل، تیرے سوا کس کو پتا

کس موڑ پہ کیا دے ہمیں، کس موڑ پہ چھین لے کیا

اے زندگی ہوئی کہاں بھول ۔۔۔۔

انجان