پیار کا حق ادا نہیں کرتے
حُسن والے وفا نہیں کرتے
کس طرح ان کو کوئی سمجھائے
یہ کسی کی سُنا نہیں کرتے
ان سے دھوکہ نہ کھائیو صاحب
یہ کسی کے ہُوا نہیں کرتے
جو بھی زُلفوں میں قید ہو جائے
اُس کو پھر یہ رہا نہیں کرتے
ان کی آنکھوں کا جو نشہ کر لیں
پھر وہ کوئی نشہ نہیں کرتے
حُسن والوں کو جانتے ہیں ہم
یہ کسی کا بھلا نہیں کرتے
ان سے رونق ہے کائنات میں شان
ان کو ایسے کہا نہیں کرتے
ذیشان لاشاری
No comments:
Post a Comment