عارفانہ کلام حمد نعت منقبت
اُس ذات کی بڑائی کو کیونکر کروں بیاں
جس ذاتِ لازوال کا امکاں بھی لامکاں
مشغول ثناء حدِ نظر سے بھی ماوراء
یہ بحر موجزن، یہ زمین اور یہ آسماں
تخلیق کر کے پالا ہمیں راستہ دیا
سرکش ہوئے تو پھر بھی ہوا ہم پہ مہرباں
ہر حالتِ سکوں کی بقاء چند ساعتیں
دن رات کی بدلتی ہوئی رُت تِرا نشاں
سامان بخششوں کا فقط نام پنجتن
مطلوب ہے مجھے تِری رحمت کا سائباں
تیرے حبیبﷺ اور سبھی ان کے اوصیاء
بندوں کی رہنمائی کو ہیں خُوب مہرباں
کیوں کر شبینہ! حق ہو ادا بندگیٔ حق
چھانے بغیر قلب کے صحرا و بیاباں
شبانہ شبین زیدی
No comments:
Post a Comment