عارفانہ کلام حمد نعت منقبت
اے خُدا سرورِ کونینؐ کا روضہ دیکھوں
ہے تمنّا مِرے دل میں؛ کہ مدینہ دیکھوں
چُوم لوں چشمِ عقیدت سے درِ آقاﷺ کو
چشمِ آداب سے میں گُنبدِ خضرا دیکھوں
جبکہ ہو پیشِ نظر میرے سُنہری جالی
دیر تک کیوں نہ میں منظر وہ سُہانا دیکھوں
بارشِ نُور نہ کیوں میرے خیالوں میں ہو
جب تصور میں تجھے اے شہِ بطحاؐ دیکھوں
خانۂ کعبہ سے لوٹوں جو مدینے کو میں
ہے تمنّا کہ؛ وہاں فیض کا دریا دیکھوں
مُدتوں سے یہ ہے ارمان مِرے دل میں سحؔر
خواب ہی میں کسی شب صُورتِ آقاؐ دیکھوں
بشریٰ سحر
No comments:
Post a Comment