زعفرانی غزل
ضلع ناظم کی تنخواہ
ملے گی بھاری جو تنخواہ ضلع ناظم کو
لگے گی ڈی سی او کی آہ ضلع ناظم کو
نہ صرف سیلری ستر ہزار ماہانہ
ضلع کے لوگوں کو دینا پڑے گا جرمانہ
کرایہ گھر کا بھی کیا کم ہے پورے تیس ہزار
ملے گا صاحبو! ہر ماہ ضلع ناظم کو
کرے گا پورا لیکشن میں، جو بھی خرچ کیا
وہ سب نکالے گا جو ووٹروں نے کھایا پیا
ہے کیا مضائقہ یہ کاروبار ہے آخر
وگرنہ کرسی کی کیا چاہ ضلع ناظم کو
مزے اڑائے گا آدھے تو ضلع نائب بھی
اٹھانے ہوں گے ہمیں اس کے مصائب بھی
اگرچہ کام فقط اتنا ہی کرے گا وہ
کہے گا واہ اجی واہ ضلع ناظم کو
ابھی تو اگے اگر انتخاب ہونا ہے
مزید قوم کا خانہ خراب ہونا ہے
اٹھانے ہوں گے بڑے خرچ وزیروں کو
نہیں ہے جس کی پرواہ ضلع ناظم کو
بڑی غریب ہے مقروض قوم اے ساغر
کرے گا کون اب آگاہ ضلع ناظم کو
ریاض الرحمٰن ساغر
No comments:
Post a Comment