اس عہدِ رنج اسی ابتلاء پہ پھول کِھلیں
لہو میں ڈوبتی ارضِ غزہ پہ پھول کھلیں
چکمتے خواب رہیں ان چمکتی آنکھوں میں
دلوں میں کونپلیں دستِ حنا پہ پھول کھلیں
مِری طرف سے محبت ملے ہمیشہ تجھے
تمہاری سمت میں چلتی ہوا پہ پھول کھلیں
خدائے مریم و عیسیٰ یہ معجزہ پھر سے
خزاں کی رُت ہو اور شاخِ فنا پہ پھول کھلیں
درود پاکﷺ میں پڑھتا ہوں اول و آخر
میں چاہتا ہوں کہ میری دُعا پہ پھول کھلیں
مِرا خدا جو مِرے ساتھ راضی ہو جائے
تو ہر جہان میں نام رضا پہ پھول کھلیں
اسلم رضا خواجہ
No comments:
Post a Comment