مِرے وجود کا خوشبو طواف کرتی ہے
تِری مہک ہے جو مجھ کو غلاف کرتی ہے
صدائے عشق لگانے سے پیشتر سُن لو
کہ یہ بھی سینوں میں گہرے شگاف کرتی ہے
میں چشمِ نم سے اسی واسطے گریزاں ہوں
مِرے غموں کا بھی یہ انکشاف کرتی ہے
کبھی کبھی تو مِرے ساتھ چلنے والوں کو
ہوائے شہر ہی میرے خلاف کرتی ہے
قبول کون کرے گا تِری لیاقت کو
تِری تو بستی تِرا انحراف کرتی ہے
مِری تو اشک روانی بھی اب شبِ ہجراں
کبھی یہ دل تو کبھی رُوح صاف کرتی ہے
آصف علی علوی
No comments:
Post a Comment