عارفانہ کلام حمد نعت منقبت
کی آپؐ نے ہی خاک کی پہچان مکمل
ورنہ کہاں انسان تھا انسان مکمل
وہ چہرہ کوئی خواب کا چہرہ تو نہیں تھا
جس رُوپ کو پا کر ہُوا قرآن مکمل
وہ نام جو محتاجِ تعارف نہ کبھی تھا
وہ جس کے حوالے سے ہو ایمان مکمل
ہم کر نہ سکے آج بھی معیار کی تزئین
وہ ذات تِرا شیشہ کہ میزان مکمل
اس آخری احساس کی آئینہ طرازی
ہر دیدۂ حیران ہُوا حیران مکمل
قوس صدیقی
No comments:
Post a Comment