بن ترے خود کو عبارت تو نہیں کر سکتا

 بِن تِرے خود کو عِبارت تو نہیں کر سکتا

تنہا تعمیر عِمارت تو نہیں کر سکتا

نُور انعام مِلا ہے مِری آنکھوں کو مگر

رہن میں اپنی بصارت تو نہیں کر سکتا

نا امیدی سے بھلا میرا تعلق کیسا؟

اپنی یہ عُمر اکارت تو نہیں کر سکتا

اک نیا رُوپ عطا کرتا رہا لفظوں کو

نئے لہجے کی جسارت تو نہیں کر سکتا

آئینہ میرے خد و خال ہی دِکھلائے گا

آئینہ میری حفاظت تو نہیں کر سکتا

بُجھ گیا چاند تو جگنو ہی سلامت رکھا

طے اندھیرے میں مسافت تو نہیں کر سکتا

سلطان صبروانی