عارفانہ کلام حمد نعت منقبت
دل کیا متاع زیست کو جالی پہ رکھ دیا
اپنا نصیب ہی درِ عالیﷺ پہ رکھ دیا
سر کو جُھکا کے سر درِ عالی پہ رکھ دیا
ہر فیصلہ مدینے کے والی پہ رکھ دیا
دستِ دُعا سے قبل ہی بابِ اثر کُھلا
جو مُدعا تھا، چشمِ سوالی پہ رکھ دیا
لاتے کہاں مٹھاس، زبانِ بلال کی
مانا اذاں کو لحنِ بلالی پہ رکھ دیا
آنکھوں میں لے کے عکس سراپائے شاہِ دیں
ہم عاجزوں نے سر، درِ عالی پہ رکھ دیا
ہر صاحبِ جلال، شہانشاہِ وقت نے
سر کو عقیدتاً درِ عالی پہ رکھ دیا
کس آرزو سے راہی بے اختیار نے
سر روضۂ حضورؐ کی جالی پہ رکھ دیا
ڈاکٹر علی الدین احمد راہی
No comments:
Post a Comment