عارفانہ کلام حمد نعت منقبت
جب وقت بنا ہے قد زیبائے محمدﷺ
خود خالقِ اکبر ہوا شیدائے محمدﷺ
زیبا ہے عجب عارضِ زیبائے محمدﷺ
دلکش ہے غضب زلفِ چلیپائے محمدﷺ
ہر چیز رہی اپنی جگہ جامد و ساکت
یوں عرش پہ اللہ سے مل آئے محمدﷺ
مغموم سا ہو جاتا ہے میرا دلِ مضطر
یاد آتی ہے جب نرگسِ شہلائے محمدﷺ
پی کر جسے مدہوش ہوئے حضرتِ جامی
اس جام کی تلچھٹ مجھے مل جائے محمدﷺ
ثابت! میں بناؤں گا اسے تاجِ سر اپنا
مل جائے اگر نقشِ کفِ پائے محمدﷺ
ثابت خیرآبادی
No comments:
Post a Comment