آفتاب مبیں محمد ہیں

 عارفانہ کلام حمد نعت منقبت

آفتابِ مبیں محمدﷺ ہیں

ماہتابِ حسیں محمدﷺ ہیں

وہ کسی اور کے نہیں طالب

دل میں جن کے مکیں محمدﷺ ہیں

اسوہ جن کا نجات کا باعث

وہ کوئی اور نہیں محمدﷺ ہیں

دل کو دل سے ملانے آپ آئے

دلربا دل نشیں محمدﷺ ہیں

زندگی کیوں نہ ہو نثار ان پر

زندگی سے حسیں محمدﷺ ہیں

روشنی سب اُنھی سے پاتے ہیں

جن دلوں کے نگیں محمدﷺ ہیں

اے خدا! اب حیات کا مقصد

اور کچھ بھی نہیں محمدﷺ ہیں

حیات عبداللہ