عارفانہ کلام حمد نعت منقبت
دلاسہ دیتے ہیں آقاﷺ اداس لوگوں کو
بلا کے دور سے وہ اپنے پاس لوگوں کو
بس ایک اسم نے چہروں کو نور بانٹا ھے
عجب وگرنہ تھا خوف و ہراس لوگوں کو
حضورِ آئے تو پوری ہوئی ہر اک خواہش
کئی یُگوں سے تھی اُمید، آس لوگوں کو
در حضورؐ سے نسبت پہ فخر کرتے رہیں
اگر ہے زم زم و کوثر کی پیاس لوگوں کو
پلٹ کے جو بھی ہے آیا وہ مضطرب ہی رہا
نہ ہجرِ طیبہ کبھی آیا راس لوگوں کو
برہنگی تھی کچھ ایسی کہ شرمسار تھے سب
عطا ہوا ہے مودت لباس لوگوں کو
لعاب دہن ہے شامل حضورﷺ کا عمران
جو آ رہی ہے کنویں سے مٹھاس لوگوں کو
عمران شریف
No comments:
Post a Comment