عارفانہ کلام حمد نعت منقبت
مرے سرور دو عالمﷺ اے شہنشہ مدینہ
تِرےﷺ در کا سنگریزہ مجھے بر تر از نگینہ
اے عرب کے ماہِ تاباں مِرے کالی کملی والے
تِرے آستاں سے بڑھ کر نہیں مجھ کو طُورِ سینا
تھے گدا جو تیرے در کے ہوئے آشنائے منزل
کہ جہاں کی سروری کا انہیں آ گیا قرینہ
نہ تو جاہ کی ہوس ہے، نہ طلب ہے مال و زر کی
جو گدائے مصطفیٰﷺ ہے اسے ہیچ ہے خزینہ
یہ ضیائے ماہ و انجم مجھے کیا پسند آتے
تِرے ذکر سے ہے روشن مِرے دل کا آبگینہ
در و بام کے نظارے اسے راس کیسے آتے
جسے ہو گیا میسر تِرے آستاں کا زینہ
تِرا ذکر ساحری کے لب خامہ تک جو آیا
کبھ ہاتھ تھر تھرائے، کبھی آ گیا پسینہ
آزاد ساحری
No comments:
Post a Comment