عارفانہ کلام حمد نعت منقبت
دل میں ہے اک سوزش درد تمنائے رسول
آنکھ میں ہے جوششِ صد رنگ صہبائے رسول
آبروئے رنگِ ساغر جوششِ صہبا سے ہے
کاش کہ میں بھی بنوں سرمستِ صہبائے رسول
کوئی کاشی کا پجاری،۔ کوئی کعبہ پر فدا
مجھ کو قسمت سے ملا ذوقِ کفِ پائے رسول
ہے محبت ہی جمال افزائے قلبِ مصطفٰےﷺ
سب پہ یکساں ہے فیوضِ رُوئے زیبائے رسول
رحمت اللعٰلمینﷺ سے ہے اساسِ کائنات
ہر طرف ہی دیکھتا ہوں حُسنِ زیبائے رسول
فیض بخش ہر دو عالم ہے محبت آپ کی
مصدرِ لُطف و کرم ہے چشمِ بینائے رسول
خلقِ پیغمبرؐ ہے انور فیض بخشِ دو جہاں
روح بخش زندگی ہے رُوئے زیبائے رسول
عشرت انور
No comments:
Post a Comment