تو احد ہے تو صمد ہے تو ہی بے مثال بھی ہے

 عارفانہ کلام حمد نعت منقبت

تُو احد ہے تُو صمد ہے تُو ہی بے مثال بھی ہے

تُو حفیظِ اہلِ حق ہے،۔ شہِ ذوالجلال بھی ہے

جو ہے دن نکلنا ڈھلنا مِری یہ سمجھ میں آیا

کہ عروج ہے کسی کو اسے پھر زوال بھی ہے

تُو جو چاہے پتھروں کو زر و سیم میں بدل دے

ہے یقین مجھ کو آقا تِرا کمال بھی ہے

تِری رحمتیں ہوں نازل تو گدا کو شاہ کر دے

ہو غضب تِرا کسی پر تو وہ پائمال بھی ہے

تُو ہی مشرقوں کا مالک، تُو ہی مغربوں کا خالق

تُو ہی رب جنوب کا ہے، ملک الشمال بھی ہے

عرفان احمد