امیدوار تو برگ و ثمر کے ہم بھی ہیں

 امیدوار تو برگ و ثمر کے ہم بھی ہیں

شجر نہ کاٹ کہ شاخِ شجر کے ہم بھی ہیں

یہ اور بات کہ دامن نہ مل سکا ہم کو

گِرے ہوئے تو کسی چشمِ تر کے ہم بھی ہیں

یہ اور بات ہماری خبر نہیں رکھتا

ہمیں خبر ہے کسی با خبر کے ہم بھی ہیں

سبک روانِ محبت نہ یوں ہنسو ہم پر

شکستہ پا سہی اس رہگزر کے ہم بھی ہیں

اے اہل قافلہ تنہا سفر بھی سخت نہیں

ہمارا زادِ سفر ہے سفر کے ہم بھی ہیں

عدنان منور