عارفانہ کلام حمد نعت منقبت
تخلیق کائنات کا منشا رسول پاکﷺ
تکمیل خواہشات کا نقشہ رسول پاکﷺ
شیدا رسول پاکﷺ کا واجب الوجود
اور واجب الوجود کا شیدا رسول پاکﷺ
چھایا تھا کفریت کا اندھیرا چہار سمت
وحدانیت کا لائے اجالا رسول پاکﷺ
اس پاک ذات کا ہے کرم بحرِ بے کراں
اور بحرِ بے کراں کا کنارا رسول پاکﷺ
ہر نیک بخت کے لیے محسن ہیں مصطفیٰ
عاصی کے واسطے ہیں سہارا رسول پاکﷺ
جو خاتم النبیںؐ ہوئے، ختمِ مُرسلیںﷺ
ناظم خدا نے ایسے اتارا رسول پاکﷺ
ناظم قمر
No comments:
Post a Comment