فگن جہاں پہ ہے نفرت کا سائباں اب تک
دُھواں دُھواں ہے یہ مُدت سے آشیاں اب تک
خیال میں بھی وہ خفگی عذاب دیتی ہے
کہ سہ رہے ہیں صنم کی وہ سختیاں اب تک
اُجاڑ پن میں گرِفتہ شعور ہار گیا
اُداسیوں کی زباں پر ہیں گالیاں اب تک
مِرے عدو کا کلیجہ نہال کیسے رہے
پیوستہ سینے میں خونیں ہیں برچھیاں اب تک
مِلن کی آس ہے ترساں، صدائیں دیتی ہے
ختم نہ ہونے کو آئیں جُدائیاں اب تک
ہزار حربوں سے بہلاوے کام آئیں کہاں
قسم خدا کی نہیں دل یہ شاد یاں اب تک
جو منزلوں کے تعاقب میں بحر میں اُترِیں
ہوا کے رُخ پہ رواں ہیں وہ کشتیاں اب تک
سویرا کرنے لیاقت کے گھر بھی آئیں کبھی
تِرے فراق میں روتے ہیں سائیاں اب تک
لیاقت منظور بھٹہ
No comments:
Post a Comment