عارفانہ کلام حمد نعت منقبت
فلک سے چاند ستارے سلام کہتے ہیں
حضورﷺ امتی سارے سلام کہتے ہیں
بساط کیا ہے ہماری جب آپ کو سرکارؐ
قرآن کے پارے سلام کہتے ہیں
سلام کے لیے شاخیں جھکی ہوئی ہیں حضورؐ
جو ان پہ پھول ہیں سارے سلام کہتے ہیں
تمام ندیاں بھی پڑھتی ہیں آپؐ کا کلمہ
سمندروں کے بھی دھارے سلام کہتے ہیں
فرشتے ہر گھڑی کرتے ہیں آپؐ کی تکریم
بشر زمین کے سارے سلام کہتے ہیں
شہید ہو گے کربلا میں حق کے لیے
وہ خوش نصیب دلارے سلام کہتے ہیں
درود پڑھنے سے روشن ہوئے ہیں جن کے قلوب
وہ سارے عشق کے مارے سلام کہتے ہیں
جہان بھر کے مسلمان آئے ہیں در پر
کھڑے ہیں ہاتھ پسارے سلام کہتے ہیں
قبول کیجیئے نذرانے ان سبھی کے حضورؐ
جو لوگ دل کے سہارے سلام کہتے ہیں
دل تاج محلی
No comments:
Post a Comment