جو دل گیا مِرے سینے کا اضطراب گیا
بڑا سکون ملا ،۔ خانماں خراب گیا
نہ چل سکی کسی بیکس کی زور والوں سے
تھپیڑے موجوں کے کھاتا ہوا حباب گیا
رہے یہ دیر شہاب اس کے حُسن برہم کا
کہاں وہ لطف جو یہ نشۂ عتاب گیا
یہ کس نے چھیڑ دیا زُلف یار کا قصہ
پھر آج رات بھی آنکھوں سے اپنی خواب گیا
بھروسا تجھ پہ ہو کس طرح ہائے اے پیری
کہ پہلے طِفلی گئی، پھر یونہی شباب گیا
عطا کو لائے تھے سمجھا بُجھا کے کل احباب
پھر آج جانے کہاں خانماں خراب گیا
عطا کاکوی
No comments:
Post a Comment