نہ تھا جب کچھ تو ذات کبریا تھی

 عارفانہ کلام حمد نعت منقبت

نہ تھا جب کچھ تو ذاتِ کبریا تھی

وہی تو عرش پر جلوہ نما تھی

مجسم نور سر تا پا حیا تھی

فدا اس ذات پر ذاتِ خدا تھی

حیات افروز جس کی ہر ادا تھی

وہی تخلیقِ عالم کی بِنا تھی

یہ خورشید و قمر اور ماہ پارے

ہر اک شے حسن پر ان کے فدا تھی

مہکتا تھا پسینہ گل کی صورت

خدائے پاک کی ان کو عطا تھی

وہ جس سے جگمگا اٹھا زمانہ

وہ اے مقصود ذاتِ مصطفیٰ تھی

مقصود احمد نشتری