عارفانہ کلام حمد نعت منقبت
حشر میں عشقِ شہِ کونینﷺ دے گا فائدہ
اے خدا میرے مقدر میں بھی لکھنا فائدہ
امتِ خیرالوری میں خلق کر کے، حشر تک
مصطفیٰﷺ کے امتی کو حق نے بخشا فائدہ
اک عمل کرنے کے بدلے نیکیاں ملتی ہیں دس
مصطفیٰﷺ کے امتی لیتے ہیں کتنا فائدہ
یاد آجاتی ہے بھولی بات بھی لمحات میں
یہ درودِ پاکﷺ ہی سے ہم نے پایا فائدہ
رکھ دیا اعمال کے پلڑے میں سرور نے درود
ہوگیا محشر میں یوں اک بے عمل کا فائدہ
نقص آتا ہے نظر گر تجھ کو اُن کی ذات میں
مصطفیٰﷺ کا کلمہ پڑھنے کا تجھے کیا فائدہ؟
بعد مرنے کے سمجھ جائے گا گستاخِ نبیﷺ
بے سبب ماتھا رگڑنے کا نہیں تھا فائدہ
کر نہیں سکتا اگر تُو شانِ پیغمبرﷺ بیاں
اے سخن گستر تیرے فکر و بیاں کا فائدہ؟
فیضِ مرشد بھی مِلا اور دین کی تعلیم بھی
تجھ کو ازہر تیرے رب نے بخشا دوہرا فائدہ
اویس ازہر مدنی
No comments:
Post a Comment