سرور ابرار پر لاکھوں سلام

 عارفانہ کلام حمد نعت منقبت

سرورِ ابرارﷺ پر لاکھوں سلام

احمدِﷺ مختار پر لاکھوں سلام

گیسوئے واللیل پر تاباں درودﷺ

والضحیٰ رخسار پر لاکھوں سلام

ان کے اہلِ بیت پر اطہر درودﷺ

حرمت اطہار پر لاکھوں سلام

جس میں زہراؑ ہے کلی، سبطین گل

اُس حسیں گلزار پر لاکھوں سلام

کربلا کے سرخ پھولوں پر درود

گلشنِ کرّار پر لاکھوں سلام

کُل صحابہ پر ہزاروں رحمتیں

ان کے چاروں یار پر لاکھوں سلام

روضۂ انور پہ ہو ہر دم درود

گنبد و مینار پر لاکھوں سلام

انبیاء و اولیاء، غوث و معین

یعنی سب اخیار پر لاکھوں سلام

جان و دل سے ان پہ جو قربان ہے

امتِ سرکارﷺ پر لاکھوں سلام

ہم نے جو سیفی! پیا روزِ الست

بادۂِ اقرار پر لاکھوں سلام

شاکر حسین سیفی