کب عہدِ وفا ہو گا اے جانِ وفا جاناں
کب برسے گی شانوں پہ زُلفوں کی گھٹا جاناں
اُمید کے زِنداں سے کب خواب رِہا ہوں گے
اُترے گا خلاؤں سے کب رزقِ بقاء جاناں
مٹی مِری دھرتی کے رنگوں کو ترستی ہے
اُبھرے گا ہتھیلی پہ کب رنگِ حِنا جاناں
اک عہدِ سِتم کل تھا، اک عہدِ سِتم اب ہے
کوئی دستِ شفا جاناں، کوئی دستِ دُعا جاناں
سب کچھ یوں ہی ہونا تھا حالات ہی ایسے تھے
کچھ نیند کا موسم تھا، کچھ تم بھی خفا جاناں
سرفراز سید
No comments:
Post a Comment