نغمۂ اسلام
نغمۂ اسلام زندہ باد گایا جائے گا
خوابِ غفلت سے مسلماں کو جگایا جائے گا
دیکھتی ہے خواب ہندو راج ہی کے کانگرس
خاک میں اس کے ارادوں کو ملایا جائے گا
سنگدل انگریز بھی سُن لے یہ گوشِ ہوش سے
راہ میں پتھر جو آئے گا ہٹایا جائے گا
باز آ جا اپنی ہٹ دھرمی سے اے بلدیو سنگھ
ورنہ لاشوں پر ہی پاکستاں بنایا جائے گا
ظالموں باطل پرستوں کی اُڑیں گی دھجیاں
نام پر غدّار کا یکسر مٹایا جائے گا
راہِ حق میں ہم لُٹا دیں گے جو اپنے پاس ہے
اور ہر قیمت پہ پاکستاں بنایا جائے گا
سید صادق حسین کاظمی
برگِ سبز (کلیاتِ صادق)
No comments:
Post a Comment