منزل کا شور سن کے جو پہنچے تو کیا ملا

 منزل کا شور سن کے جو پہنچے تو کیا مِلا

اک شخص اک مقام پہ بے دست و پا ملا

ہر مُدعی سے مُدعا اس کا خفا ملا

یاں پیار بھی ملا تو مثلث نما ملا

دوکانِ چارہ گر پہ تو بِکنے لگی اجل

ڈُھونڈ اس فقیر کو جسے دستِ شفا ملا

جس راہ سے گُریز ہے پہنچائے ہے وہیں

ہم کو بھی کس قماش کا ذہنِ رسا ملا

طے کردہ راہ ہوں کہ میں گُم کردہ راہ ہوں

ہر راستے پہ مجھ کو مِرا نقشِ پا ملا

سنگِ گِراں تھے کون سی منزل کے ہم نہ پُوچھ

جب ہم نہیں رہے، تو ہمیں راستہ ملا

یونس زبانِ خلق ہے نقارۂ خُدا

تُو بھی خروشِ دہر میں اپنی صدا ملا

س یونس

سید یونس