عارفانہ کلام حمد نعت منقبت
وجودِ پاکﷺ ہے کتنا محبت آفرین تیرا
نہیں ثانی کوئی اے رحمۃ اللعالمینﷺ تیرا
ذرا اس اتحادِ حسن و الفت کو کوئی دیکھے
تو کعبے کو مکیں کا اور کعبے کا مکیں تیرا
تصور تیرا جنت ہے، محبت تیری بخشش ہے
یہ رتبہ اور یہ درجہ شفیع المذنبیںﷺ تیرا
رہے گا حکم تیرا کار فرما روزِ آخر تک
لقب اے شافعِ محشر ہے ختم المرسلینﷺ تیرا
توجہ کی نظر وقتِ شفاعت اس پر بھی رکھنا
کہ ادنیٰ امتی ہے بادی خلوت نشیں تیرا
ہادی مچھلی شہری
سید محمد ہادی
No comments:
Post a Comment